مين احسن البنت ولا الولد خش وشوف

السلام عليكم ورحمة الله وبركاته

هاى عليكم كلكم يا عساسيل
انا فى سؤال محيرنى اوى
وهو مين احسن البنت ولا الولد
وبعد

الدراسه المتأنيه التى تمت بواسطة لجنة مرور قصدى لجنه عليا تم تشكيلها خصيصا لهذا الغرض

توصلت اللجنه إلى ما يلى

بعد البحث والتدقيق ثبت أن البنت أحسن من الولد

1-البنت بتتكلم براحتها فى التليفون وأبوها أو جوزها هو أللي بيدفع الفاتورة فى الأخر
2- البنت مش ملزمة تجهز نفسها أبوها أو البيه (خطيبها) هم اللي هايدفعوا دم قلبهم
3- مفيش حد بيبص على بدلة العريس كله بيبص على فستان العروسة
4- لو واحدة عملت مخالفة وعيطت شوية للضابط هايعديها لو راجل هاياخد على دماغه
5- لو واحدة ماأدتش قرايبها عيديه مش هايقولوا عليها بخيلة هايقولوا أصل العيب على جوزها
6- واحدة أتأخرت على المحاضرة ممكن الدكاترة يدخلوها لو ولد هايقولوا روح يابابا كمل نوم بره فى الشمس
7- حصل زعل بين البنت وباباها مش هايطردها برةالبيت ...وهى بس يادوب تعيط شوية وبابا هايروح يصالحها على طول .... أما الولد فيدوب يلحق مكان ينام فيه جنب البواب

دلع البنات : -8
(سنتين) ياختى كميله
(5سنين) يا عسوله
(12 سنه) يا عروسه
(18 سنه) يا قمر
(40 سنه) يا هانم
(60 سنه) يا ست الكل


دلع الولاد : -9
(10 سنين) انت ياد
(18 سنه) انت يا شحط بقيت طول الباب
(40 سنه) يا راجل
(50 سنه) ياعم الحج
(60 سنه) يا راجل يا عجوز منخيرك قد الكوز

كل ده طبعا على سبيل الهزار اوعى حد يزعل منى