حلمت بيها

هقولكوا الحلم من بدايته
حلمت اني كنت في مكان اخضر وطبيعته ساحره كان مكان جامد اوي لدرجه اني متاكد ان مفيش مكان في الدنيا بالجمال دا وحبيبتي كانت معايا مكنتش عارف اشيل عنيا من عنيها خطفتني ونستني المكان الي كنت فيه كنا اعدين علي حاجه شبه الجبل تحت ضله شجره كبيره كنا مسكين ايد بعض مكناش بنتكلم مع بعض خالص بس كنت سامع نبض قلبها اكنوا بيقولي اجمل كلمات للحب ضمتها بين درعاتي اكني كنت خايف انها تروح مني..... هي كانت قيلالي في اليوم الي قبلوا اوعي تسيبني ..انا افتكرت الكلمه دي في حلمي وقولتلها عمري مهسيبك لاني مش هعرف
قالتلي بحبك برقه حسيت انها هتخلي الجبل الي قاعدين عليه يتهز وفضلت نايمه علي دراعي وانا وهي فرحتنا ببعض متتوصفش

دا كان الحلم الي حلمتوا انهاردا انا عارف انوا المفروض حاجه شخصيه بس معرفش انا كتبتوا ليه
ممكن علشان نفسي اعرف العالم كلوا.

حلم جميل اوي يايونيكا
ويارب احلامك كلها تتحقق
واحلامك كلها تبقي حقيقه
تقبل مروري

خير ان شاء الله يا يونيكا
الحلم ده هيتحق
بس احلى منه بكتيييييييييييييييييييير
ان شاء الله

شكرا ليكم كلكم
بس يا بوبا انتي تعرفي انا بحب مين.. شكل في حد مصيحلي

عموما شكرا ليكوا ويارب احلامنا الحلوه كلها تتحقق

هههههههههه طبعا عارفة مين يا يونيكا احنا مش بنخبي عن بعض ولا حاجة مهما تتوقع

حلم جميل يا يونيكا
ربنا يحققلك مرادك
وبعدين العملية كدا فيها تصيح مش هينفع