اولا على ما اظن ان كلنا حبينا فى سن المراهقة مفيش حد ما حبش فى السن دة تقريبا ولكن فى منا من الحب دة وصل لحد الجواز وفى الى انتهى من قبل ما يكمل
ثانيا تعريف الحب فى سن المراهقة :الحب فى سن المراهقة هو افضل واسوأء حب
هيجى حد يقولى ازاى حلو ووحش هقولوا لان الحب دة فى معظم الاوقات بيبقى اطهر حب فى الدنيا لو الطرفين مش بيحبوا بعض تسلية زى ما ولاد وبنات كتير لسة فى سن المراهقة وبيحبوا بعض لمجرد التسلية
نبتدى بأزاى هو افضل حب وازاى نكمل الحب دة :افضل حب لانة بيبقى بين اتنين مش عرفوا احساس الحب قبل كدة بيحبوا من غير ما يعملوا اى حسابات بيحبوا لمجرد الحب
شعور جميل حسيت بية فا بحب اعرف اية هو ببقى حابب اعرف اية هو الحب سمعت عنة كتير بس مش عارف اية هو هيجى واحد يقولى بس الحب فى السن الصغير بيبقى غلط لانى بحاول اقلد الكبار وبعدين لو حبيت حد ممكن يشغلنى عن دراستى او يخلينى افكر فية
هقولة ماهو انا صح بقلد الكبار بس مش بقلد وخلاص لا بقلدهم اما بحب مش بحب لانى بقلدهم (حد فهم حاجة ؟)
وبالنسبة لان الحبيب هيشغل وقتى دة مش صح ابدا لان لو الحبيب خايف عليا بجد بالعكس هو الى هيخلينى انجح فى حياتى وعلشان محدش يقولى لا غلط هاتلى دليل (دة فعلا حصل مع واحد صاحبى وكانت حبيبتة هى الى بتشجعة على المذاكرة وبسم الله ماشاء الله هم الاتنين من اوائل المدرسة )فا زى ما قولنا لو الحبيب بجد بيحبك هو الى هيساعدك انك تبقى ناجح فى كل حاجة مش الدراسة بس .
حاجة كمان هنقول ان انت هتحب واحدة او واحد وانت مثلا عندك 16 سنة هتحبوا بعض هتفضلوا مع بعض لحد مثلا 23او 24 سنة بتحبوا بعض هيحصل تعود بين الطرفين انما مش انا مثلا هحب واحد وانا عندى 20 سنة عقبال ما اتعود علية واعرف صفاتة واتقبل سلبياتة قبل ايجابياتة هيكون عندى 23وبعد كدة اشوف لو هقدر اكمل معاها ولا لا
ولو مش هقدر اشوف حد تانى وعقبال اما اتعود ماالاقى واحد احبة بجد يكون عندى 30 سنة
واحد هيقولى ان ماشى هنقول ان الحياة هتمشى حلو لحد اما نخلص الثانوية ونوصل لمرحلة الجامعة هقولة مش فيها حاجة انا هكون بالفعل بحب حد فا لو بجد مش هينفع احب حد تانى
بس مجرد انى فى الجامعة هيبقى فى نظرة انبهار للبنات فى الجامعة(مش اعجاب كمان لا انبهار بس) مش تنسوا انى هبقى طالع من مرحلتين مش كان فيهم بنات معايا فى المدرسة يعنى فى اعدادى وفى ثانوى مش بتاعمل مع بنات اوى زى ما هتعامل فى الجامعة فا هتبقى بس عدم تعود ولو الحبيب مالى تفكيرى بجد مش هفكر فى حد تانى
وفى النهاية حب المراهقة الذى ينتهى بتزوج متوقف على عدة عوامل :
1-انى فى المرحلة دى مش احب وخلاص لا لازم اقدر اكون قد مسئولية الحب دى
2-انى اكون عندى ثقة فى نفسى
3-انى اصارح الحبيب بكل حاجة قبل ما نبقى حبايب نكون اصحاب احكيلة عن كل حاجة
4-مش اخلى الغيرة تتحكم فيا
،،،،،،،،،،،،،،،،،،،،،،،،،،،،،،،،
وعلى فكرة هى دى وجهة نظرى فى حب المراهقة .
ثانيا اسواء حب :حد هيقولى لية بقى سعات حب المراهقة بيكون اسواء حب هقولة لانة بيبقى حب لتقليد الكبار قبل ما احب يعنى انا شوفت مثلا اخويا الكبير بيحب واحدة فا بحب اقلدة انما فى الحب الافضل بحب بعد كدة اقلد اخويا فى كيفية الحب نفسها (فى طريقة الحب )
تانى سبب :لانة بيبقى حب انبهار شوفت مثلا واحدة حلوة معايا فى الدرس بعجب بيها مش بحبها بيبقى مجرد اعجاب فا نظرة مع كلمة مع مقابلة خلاص افتكرت ان دة الحب ولكن دة اعجاب وهشوف واحدة احلى هيحصل نفس الى حصل فى المرة الاولانية وبالمثل مع البنات
تالت سبب: انى مش ببقى قد مسئولية الحب دة بحب اة انما مع اول مشكلة بنسيب بعض
رابع سبب: لو حد بيحب لمجرد التسلية فالحب لايوجد فية تسلية الحب يعنى حب
واخيرا اتمنى ان مفيش حد يحب غير لما يكون متاكد انة هيكون قد المسئولية 100% والا مش يحب
انا مش حبيت اطول فى انة بيبقى اسواء حب لانة عكس افضل حب باختلاف اشياء بسيطة ...
ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ،ـ، ـ،ـ،ـ،ـ،ـ،
واعذرونى لو الكلام مش مترتب بس انا كتبتة زى ما جية فى دماغى
من مؤلفاتى وليس منقولا
واخيرا قد تتفقوا او تختلفوا معى ولكن تلك وجهة نظرى
(وتذكروا ان الاختلاف فى الرأى لا يفسد للود قضية )
تحياتى ....
الثلاثاء يوليو 07, 2009 4:47 pm
