عدد المساهمات : 283 تاريخ التسجيل : 04/07/2009 العمر : 36 الموقع : فوق سطح الارض
موضوع: ازاى تعرف ان انك فى فيلم عربى ؟؟ الإثنين يوليو 20, 2009 5:13 am
إزاي تعرف انك في فيلم عربي؟
عندما يكون البطل مريضا وتقدم لة البطلة حبة الدواء مع كوب ماء وبعد ان يبتلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن كده بالسهولة دي.. هو واخد حبة البركة ولا ايه؟
*******
عندما يصل البوليس الي موقع الجريمة دون ان يبلغه احد تقريبا المخرج هو اللي بلغ علشان يصور.. أمّال هيصور ايه
*******
عندما يصاحب مشهد التغرير بالبطلة لقطات الامطار الغزيرة والبرق والرعد والشباك الذي ينفتح بقوة علي مصراعيه وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل غالبا بيكون يوسف شعبان
*******
عندما تفاجئ باغنية مالهاش أي لزمه في نص الفيلم مش عارف ايه العلاقة بين الاغنية والفيلم
*******
عندما يكون من المستحيل ان تجد الهاتف مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتجده يصب كوب ممتلئ علي اخره بيسكر بعصير قصب
*******
عندما يخرج الطبيب من غرفة العمليات يرد جملة من ثلاث جمل اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو ويطلبوا نفس العصير اللي في كل الافلام: تانج او ميراندا يخلص المشهد من غير ما حد يشرب حاجة تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصلة الكشري ويظل يتحدث بطلاقة وتركيز لمدة خمس دقائق يقوم خلالها بفك لغز الفيلم والاعلان عن القاتل الحقيقي او البطل يبقي ابن مين
*******
عندما تتناول الابنة الفطار وهيا واقفة وبتاخد لقم سريعة فتقولها الوالدة ما تفطري يابنتي كويس تقولها: لا علشان الحق المحاضرة وتبوسها وتمشي فتنظر الوالدة الي الوالد ويبدأن في الدعاء
*******
عندما تغيّر حرب اكتوبر اخلاق كل المنحرفين الموظف المرتشي والجاره اللعوب والبلطجي والمجرم بطبعه
*******
عندما تجد مقر العصابة ملئ بالقش والبراميل الخشبية
*******
عندما تسمع صرير احتكاك كاوتش العربيات اللي بطارد بعض وتقريبا بتبقي عربيات 128 وماشية بسرعة 30 كيلو
*******
boba11390 عسولة المنتدى
عدد المساهمات : 597 تاريخ التسجيل : 14/07/2009 العمر : 34
موضوع: رد: ازاى تعرف ان انك فى فيلم عربى ؟؟ الإثنين يوليو 20, 2009 12:43 pm
هههههههههههههههههه فعلا الواحد بياخد باله من الحاجات دي بس بنعديها وفي حاجة كمان انهم يكونو خارجين من البحر حالا بس مش مبلولين وشعرهم وهدومهم ناشفين وكمان البطله سا عات تكون لابسة خاتم او حلق في نفس المشهد وفجأة تلاقيهم اختفو وحاجات كتير بس يلا المسامح كريم عديها وخلاص
shando rap رئيس مجلس الادارة
عدد المساهمات : 283 تاريخ التسجيل : 04/07/2009 العمر : 36 الموقع : فوق سطح الارض
موضوع: رد: ازاى تعرف ان انك فى فيلم عربى ؟؟ الإثنين يوليو 20, 2009 3:39 pm
ههههههههه والة عندك حق الافلام العربى القديمة دى مليانة ملل بس كل دا ماعدا افلام اسماعيل ياس هو دا الوحيد الى عمرى مازهق من افلامة
mido elpop نائب المدير
عدد المساهمات : 915 تاريخ التسجيل : 04/07/2009 العمر : 34 الموقع : فى مكان على الارض
موضوع: رد: ازاى تعرف ان انك فى فيلم عربى ؟؟ السبت يوليو 25, 2009 6:46 am
شكرا ليك يا شاندو على التوبيك الرائع دا
shando rap رئيس مجلس الادارة
عدد المساهمات : 283 تاريخ التسجيل : 04/07/2009 العمر : 36 الموقع : فوق سطح الارض
موضوع: رد: ازاى تعرف ان انك فى فيلم عربى ؟؟ السبت يوليو 25, 2009 3:09 pm
الإثنين يوليو 20, 2009 5:13 am
التوبك نور بيك ياميدو