كل سنة وانتم طيبين يا شباب وشابات المنتدى الجميل دة بجد بحبكم كلكم وبعتبركم اخواتى اللى باخد رايكم دايما ومعلش بتقل عليكم كالعادة وكان عندى مشكلة غريبة شوية من نوعها
المشكلة هى ان البنت الى انا بحبها ابتدت تصرفاتها الايام اللى فاتت تبقى معايا من ناحية الحب وكدة وهى كانت عارفة انى بحبها بس هى مصارحتنيش ولا مرة لانها مكنتش عايزة توعدنى بحاجة ممكن متحصلش بس انا الايام اللى فاتت كنت فى مصيف لقيتها بتبعتلى مسج بتقولى وحشتنى اوى واية اخبارك وكدة مبسوط ولا لا وخلى بالك من نفسك وكدة فكلمتها وكدة وقعدت ارغى معاها شوية بعد كدة قفلت معاها وقالتلى هبقى اكلمك بكرا ونفس اليوم بليل برضة قالتلى انى واحشها ونفسها تسمع صوتى انا حسيت ان الموضوع ابتدا يتعدل اوى لكن تانى يوم بقى هو اللى مختلف لقيتها بتبعتلى رساليل انها متضايقة وان اهلها مقفلين عليها شوية عشان بتكلمنى وكدة وهما عرفوا وقالتلى كلمة هى اللى استفزتنى قالتلى دة انا بفكر اقبل اى عريس يجيلى عشان اخلص من اللى انا فية فانا قولتلها لو انتى شايفة ان سعادتك هتبقى مع حد تانى غيرى انا مقدرش اقولك لا لانى مش عايزك غير انك تكونى سعيدة ولو انتى بتحبينى هتستحملى معايا ...... فالرد صدمنى قالتلى انت لو سبتنى فى يوم من الايام انا مش هلومك عشان انا مش بحبك بس انت غالى عليا اوى وانا رديت عليها انى مش هقدر اكمل معاها عشان مقدرش ادى مشاعرى لحد مش حاسس بيا او مش بيحبنى فقالتلى اعمل اللى يريحك وانا هساعدك على كدة مش هكلمك خالص وكدة فانا حسيت ان الموضوع عادى فجيت قولتلها وعلى اية كل دة محصلش حاجة ومفيش اى مشكلة لكل دة انك متكلمنيش وكدة لقيتها بتقولى انا اعرف ان اللى يحب بجد يبقى تعبان عشان هيسيب اللى بيحبة لكن انت شكلك مبسوط قولتلها انا لو تعبان عمرى ما هقولك والا هبقى عبيط والموضوع انتهى على كدة معلش انا كنت بحكى بتفاصيل زيادة عن الزوم وصدعتكم بس دة عشان اعرف الرد المناسب منكم ااااااااااااااسف للاطالة
رد مع اقتباس
الخميس سبتمبر 24, 2009 3:59 pm
